PRIBATUTASUN-OHARRA
Jarraian, Datuak Babesteko Erregelamendu Orokorraren 13. artikuluan ezarritako informazioa emateko betebeharra garatuko da, Antsoaingo Udalean burututako tratamendu-erregistroei dagokienez.
Pribatutasun-oharraren bidez, herritarrei, datu pertsonalen titularrei, haien datuen tratamenduari dagozkion berariazko alderdien berri ematen diegu, besteak beste, honako hauena: tratamenduen helburuak, haien eskubideak gauzatzeko harremanetarako datuak, informazioa kontserbatzeko epeak, datuen tratamendua egiteko legitimatzen gaituen araua eta egindako datu-komunikazioak.
INFORMAZIO OROKORRA
DATUEN TRATAMENDUAREN ARDURADUNA
- Identitatea: Antsoaingo Udala
- Posta-helbidea: Udaletxeko plaza 1, 31013 Antsoain (Nafarroa)
- Telefonoa: 94813 22 22
- Posta elektronikoa: ansoain@ansoain.es
- Datuak babesteko ordezkaria: ansoain@ansoain.es
ESKUBIDEAK
Datuen babesari buruzko arauek eskubide jakin batzuk ematen dizkie interesdunei edo datuen titularrei, Antsoaingo Udalaren webgunearen erabiltzaileei edo/eta sare sozialetako profilen erabiltzaileei.
Hona interesdunei dagozkien eskubideak:
- Irispide-eskubidea: eskubidea informazioa eskuratzeko, honako hauei buruz: berari buruzko datuen tratamendua egiten ari ote den, egiten ari den tratamenduaren helburua, kasuan kasuko datuen kategoriak, hartzaileak edo hartzaile-kategoriak, datuak kontserbatzeko epea eta datuen jatorria.
- Zuzenketa-eskubidea: eskubidea datu pertsonal okerrak edo osagabeak zuzentzeko.
- Ezerezte-eskubidea: eskubidea datu pertsonalak ezerezteko, honako kasu hauetan:
- Datu pertsonalak jadanik ez badira beharrezkoak, zertarako bildu ziren eta horretarako
- Titularrak adostasuna bertan behera uzten badu
- Interesdunak tratamenduaren aurka egiten badu
- Datu pertsonalak ezereztu behar badira lege-betebehar baten indarrez
- Datu pertsonalak jaso badira informazioaren gizarteko zerbitzu bat dela medio, Datuak Babesteko Europako Erregelamenduaren 8.1 artikuluan ezarritakoari jarraikiz.
- Aurka egiteko eskubidea: eskubidea tratamendu jakin baten aurka egiteko, tratamendua interesdunaren adostasunean oinarritzen bada.
- Mugaketa-eskubidea: eskubidea datuen tratamendua ezerezteko, honako kasu hauetan:
- Interesdunak datu pertsonalen zehaztasunaren aurka egiten badu, enpresak datuon zehaztasuna egiaztatzeko adinako epe batez.
- Tratamendua legez kontrakoa bada eta interesdunak datuak ezereztearen aurka egiten badu.
- Enpresak jadanik behar ez baditu datuak tratamenduaren helburuei begira, baina interesdunak bai, erreklamazioak formulatzeko, egikaritzeko edo aldezteko.
- Interesdunak tratamenduaren aurka egin badu, eta enpresaren arrazoi legitimoak interesdunarenen gainetik dauden ala ez egiaztatzen den bitartean.
- Erreklamazio bat aurkezteko eskubidea kontrol-agintaritza eskudunari zuzenduta.
Interesdunek adierazitako eskubideak gauzatu ahalko dituzte Antsoaingo Udalari zuzenduta, idazki bat eta beren nortasuna egiaztatzeko agiria aurkeztuz.
Halaber, interesdunek erreklamazio bat egin dezakete Datuak Babesteko Espainiako Agentziari zuzenduta (Jorge Juan k., 6, 28001, Madril), idazki bat aurkeztuz edo egoitza elektronikoaren bidez (http://www.agpd.es/)
DATU-TRATAMENDUEN ZERRENDA
KIROLA
Helburua: Interesdunei buruzko informazioa erabiltzen da herritarrei Kirol Zerbitzuak eskaintzen dizkien zerbitzuak kudeatzeko:
– Antsoaingo Udalak kirola sustatzeko bultzatzen dituen jardueren erabiltzaileen inguruko kudeaketa.
– Udalaren kirol-instalazioen kudeaketa.
Datuak kontserbatzeko aldia: Datuak zertarako bildu diren eta helburu hori betetzeko behar den bitartean kontserbatuko dira, eta biltegiratuko dira Udalari haien erabileratik etor dakiokeen erantzukizunik eduki bitartean. Halaber, bete beharko dira datuak kontserbatzearen gainean Artxiboei eta Dokumentuei buruzko apirilaren 4ko 12/2007 Foru Legeak ezarritako arauak.
Legitimazioa:
– 7/1985 Legea, apirilaren 2koa, Toki-araubidearen oinarriak arautzen dituena.
Datuen hartzaileak: Ez dago aurreikusita datuak lagatzea.