IDAKI + urteko zozketa

ZOZKETAREN OINARRIAK:

IDAKIko instalazioetarako urteko bonua zozketatuko da (udako igerilekuak, zentro hidrotermala, gimnasioa eta kirol bonua), Antsoainen erroldatutako 18 urtetik gorako guztien artean.

Ekainaren 1ean eginen da, 14:00etan, udako igerilekuetako sarreran,  jarraian zehazten den moduan:

• Lau kutxa izanen dira. Antsoaingo 18 urtetik gorako biztanle kopuru osoa osatzen duten digituak edukiko dituzte lau kutxa horiek; bakoitzak 0tik 9ra bitarteko zenbakiak izanen ditu.
• Adibidea: 0 6 3 4
• Udal kirol eskoletako 15 urtetik beherako bi lagun arduratuko dira, txandaka, lau zenbaki ateratzeaz (kutxa bakoitzetik bat).
• Zorioneko zenbakia ikusi ondoren, nori dagokion egiaztatuko da udalerriko erroldan, eta adin txikikoa bada, hurrengo zenbakia aukeratuko da, handiena.
• Zorteduna dagoeneko instalazioetan abonatuta badago, bi aukera izanen ditu: eskuratu ez dituen zerbitzuetara sartzea edo nahi duen beste pertsona bati eskaintzea saria.

ZORTE ONA!